Դալը ծնվել է Ուելսում հարուստ նորվեգացի ներգաղթյալ ծնողների ընտանիքում և իր կյանքի մեծ մասն անցկացրել է Անգլիայում։ Երկրորդ համաշխարհային պատերազմի տարիներին ծառայել է թագավորական ռազմաօդային ուժերում (RAF): Նա դարձել է կործանիչի օդաչու, իսկ հետո հետախույզ՝ հասնելով թևի հրամանատարի պաշտոնակատարի կոչմանը։ Որպես գրող նա հայտնի դարձավ միայն 1940-ականներին՝ երեխաների և մեծահասակների համար գրված ստեղծագործություններով՝ համարվելով աշխարհի ամենավաճառվող հեղինակներից մեկը։ Նրան հիշատակել են որպես «20-րդ դարի երեխաների ամենամեծ հեքիաթասացներից մեկը»։ Գրականության մեջ ներդրման համար նրա մրցանակները ներառում են 1983 թվականի World Fantasy Award for Life Achievement և British Book Awards-ի տարվա մանկական հեղինակ 1990 թվականին։ Դալը 16-րդն է «1945 թվականից ի վեր 50 մեծագույն բրիտանացի գրողների» ցանկում։
Դալի կարճ պատմվածքները հայտնի են իրենց անսպասելի ավարտով, իսկ նրա մանկական գրքերը՝ իրենց ոչ սենտիմենտալ, հաճախ գորշ կատակերգական տրամադրությամբ, որտեղ ներկայացված են մանկական հերոսների չարագործ չափահաս թշնամիները։ Նրա մանկական գրքերը պաշտպանում են բարեսիրտներին և առանձնանում են հիմքում ընկած ջերմությամբ։ Երեխաների համար նրա ստեղծագործություններից են՝ «Ջեյմսը և հսկա դեղձը», «Չարլին և շոկոլադի գործարանը», «Մաթիլդան», Վհուկները», «Ֆանտաստիկ պարոն Ֆոքսը», «Թվիթսները», «Ընձուղտը և Պելլին և ես» և «Ջորջի հրաշալի բժշկությունը»։ Նրա՝ մեծահասակների ստեղծագործությունները ներառում են «Անսպասելիի հեքիաթներ»-ը։
Ռոալդ Դալի կյանքը
Ռոալդ Դալը ծնվել է 1916 թվականին Վիլլա Մարիում, Fairwater Road-ում, Ուելս, նորվեգացիներ Հարալդ Դալի (1863–1920) և Սոֆի Մագդալենա Դալի ընտանիքում (1885–1967): Դալի հայրը ներգաղթել էր Մեծ Բրիտանիա Նորվեգիայից և հաստատվել Քարդիֆում 1880-ական թվականներին իր առաջին կնոջ՝ Մարի Բորին-Գրեսերի անունով ֆրանսուհու հետ։ Նրանք երկու երեխա ունեին՝ Էլեն Մարգարիտը և Լուիը։ Սակայն կինը 1907 թվականին մահացել է։ Դալի մայրը ներգաղթել էր Մեծ Բրիտանիա և ամուսնացել Դալի հոր հետ 1911 թվականին։ Դալը ստացել է նորվեգացի բևեռախույզի անունը՝ Ռոալդ Ամունդսեն։ Նրա առաջին լեզուն նորվեգերենն էր, որով նա տանը խոսում էր իր ծնողների և քույրերի՝ Աստրիի, Ալֆհիլդի և Էլսի հետ։ Երեխաները մեծացել են Նորվեգիայի լյութերական պետական եկեղեցում՝ Նորվեգիայի եկեղեցում և մկրտվել Նորվեգական եկեղեցում, Քարդիֆ։ Նրա տատը Էլեն Ուոլեսն էլ, որը եղել է 18-րդ դարի սկզբի շոտլանդացի ներգաղթյալի հետնորդ և գնացել Նորվեգիա։
Դալի քույրը՝ Աստրին, 1920 թվականին մահացել է ապենդիցիտից 7 տարեկանում, երբ Դալը 3 տարեկան էր, իսկ մի քանի շաբաթ անց նրա հայրն է մահացել թոքաբորբից։ Ավելի ուշ այդ տարի ծնվել է նրա փոքր քույրը՝ Աստան։ Իր մահից հետո Հարալդ Դալը թողել է 158,917 ֆունտ ստեռլինգ 10 վս. 0դ։ Դալի մայրը որոշում է Նորվեգաի տեղափոխվելու փոխարեն մնալ Ուելսում, որպեսզի ապրի հարազատների հետ, քանի որ նրա ամուսինը ցանկանում էր, որ իրենց երեխաները կրթվեն անգլիական դպրոցում, որը նա համարում է լավագույնը աշխարհում։
Դալը նախ ընդունվեց Լյանդաֆիում եկեղեցական դպրոց։ 8 տարեկանում նա և իր 4 ընկերները պատժվեցին տնօրենի կողմից տեղական քաղցրավենիքի խանութի gobstoppers քաղցրավենիքի մեջ սատկած մուկ դնելու համար։ Խանութի տերը տարեց կին էր, որի անունը տիկին Պրատչեթ էր։ 5 տղաները իրենց հումորը կոչեցին «1924 թվ․ մեծն մկան պատմությունը»։ Gobstoppers-ը շատ սիրելի քաղցրավենիք էր բրիտանացի դպրոցական տղաների շրջանում Երկրորդ համաշխարհային պատերազմի տարիներին, և Դալը նրանց անվանում էր «հավիտենական գոբստոպեր» իր «Չարլին և ծոկոլադե գործարանը» ստեղծագործության մեջ։
Դալը տեղափոխվեց շուտով Սուրբ Պետրոսի գիշերօթիկ դպրոց։ Նրա ծնողները ցանկանում էին, որ նա կրթություն ստանա Հանրային դպրոցում։ Դալի համար ժամանակը Սուրբ Պետրոսում տհաճ էր անցնում. նա շատ էր կարոտում մորը և ամեն շաբաթ գրում էր նրան, սակայն երբեք չէր խոսում իր դժբախտության նրա հետ։ 1967 թվականին մոր մահից հետո Դալն իմացավ, որ նա պահպանել է իր նամակներից յուրաքանչյուրը։ Դրանք հեռարձակվեցին BBC Radio’s-ով որպես «Շաբաթվա գիրք» 2016 թվ․՝ ի հիշատակ նրա ծննդյան 100-ամյակին։ Դալը գրում էր Սուրբ Պետրոսում անցկացրած իր ժամանակի մասին իր ինքնակենսագրականում՝ «Տղան․ մանկության հեքիաթներ։